Oriki Tede

[Editor]

Oriki Tede

Greetings to all Àbẹ̀joyè sons & daughters, before this oríkì is permanently put on our website, let us appraise this presentation, you can add, subtract or make suggestions so that we shall present a common one.



"Tedé ǹ kẹ́,
Ọmọ Àbẹ̀joyè,
Ọmọ àbẹ̀jósùkú,
Ọmọ olúkú ajagun,
Ọmọ Olúkòǹdó,
Ọmọ erèníjòmù.
Ọmọ kúkù àgbè tíìkayaba níjó,
Ayaba mọ̀ọ̀njó tán,
Wọn ò rágbè pọnmi,
Ọmọ kú kúǹdùkú ṣewé gẹ̀rugẹ̀ru,
Ọmọ odò méje Ègbínrín,
Tí wọn ń folú pọn,
Ọ̀kan ni agbóko,
Ọ̀kan ni ìdòko,
Ọ̀kan ni ọọ́rẹ́ẹ̀,
Ọ̀kan ni awùjàalẹ̀,
Ọ̀kan ni yéndó,
Ọ̀kan ni ògùngbádó.
Ọ̀kan tó kù ní í jẹ́ ọ̀wọporo,
Níbi tí, omi lẹgbẹ tí ń ta sáyaba lára,
Wọ́n ní ká fọ̀pá nalẹ̀ níjòmù kólú ó rí i désí,
Olú kò rí i dé sí,
Ayaba ò rágbê pọnmi,
Ọmọ Ọba kéré tá a kó Tedé jọ,
Wọ́n ní àwọn ń lọ sí ọọ́rẹ́ẹ̀ lọ rèé jeran ẹṣin,
Wọn kò mọ̀ pé ẹṣin ń sààáyán ọmọ èrè níjòmù.
Ìyáńlá ò fọ́lẹ,
Ìjòmù ò gbà wọ̀lọ̀,
Ènìyàn tí kò nísẹ́ lápá
Kò lè bá wa gbé Ègbínrín,
Wọ́n ní a múlé kanlé,
A ò móhùn kanra,
Ìwà a wa ọ̀tọ̀ọ̀tọ̀
Torí pé, nínú iṣẹ́ ọwọ́ ọ wọn ní Wọ́n tí ń jẹ ní,
Ẹni tí kò nísẹ́ lápá,
Kó yá a kúrò légbínrín,
Kó tètè ó pọ̀ sókè rajà.

[Editor]